10/09/2014
Նախագիծ
Կրթահամալիրի կրտսեր դպրոց-պարտեզների կազմում գործող «5 տարեկանների ուսուցում» կրթական ծրագրի դասարանի գործունեության կարգ
2014-2015 ուսումնական տարի
- «5 տարեկանների ուսուցում» ծրագիրը (այսուհետ՝ Ծրագիր) «Մոբիլ դպրոց» հեղինակային կրթական ծրագրի բաղկացուցիչն է:
Ծրագիրն իրականացնում է 5 տարեկանների (այսուհետ՝ սան) կրթություն պարտեզային պայմաններում երկարացված ուսումնական օրով՝ որպես ուսումնական անընդհատ գործունեություն:
Սաների զարգացման կազմակերպման մոդել-միջավայրը կրթահամալիրում գործող նոր տիպի դպրոց-պարտեզն է, որի կազմում գործում են
2-5 տարեկանների տարատարիք խնամքի խմբեր
5 տարեկանների ուսուցման խումբ-դասարաններ (այսուհետ՝ դասարան)
1-3-րդ դասարաններ:
Դասարանում ուսուցումը կազմակերպվում է ըստ ուսումնական օրացուցի դաստիարակի կազմած և իր ուսումնական բլոգում, դպրոցի ենթակայքում նախապես հրապարակված նախագծերով:
Ուսուցման կողմերի գործառույթները հաստատվում են դպրոցի տնօրենի և սանի օրինական ներկայացուցչի (այսուհետ՝ ծնող) միջև կնքված պայմանագրով:
Ծրագրի դասարանը
Դասարանը դպրոցի կառուցվածքային միավոր է, որի սովորողների թիվն արտացոլվում է դպրոցի 2014-2015 ուստարվա կոմպլեկտավորման մեջ:
Դասարանում աշխատում է երկու դասավանդող (այսուհետ՝ դասվար):
Դասարանի պահպանումը, վճարումները իրականացվում են կրթահամալիրի աշակերտ թվով ֆինանսավորումից և ծնողական լրավճարներով, որի շնորհիվ իրականացվում է երկարացված օրվա ուսուցում:
Դասարան ընդունվում են այն սաները, որոնց 5 տարին լրանում է մինչև 2014թ. դեկտեմբերի 31-ը:
Կազմակերպված ուսումնական միջավայրի ապահովողը
դպրոցն է (ի դեմս ծրագրի ղեկավարի), որպես կրթություն կազմակերպող հաստատություն.
դասվարը՝ որպես դասարանում իրականացվող ծրագրի ղեկավար և պատասխանատու.
ծնողը՝ որպես իր երեխայի ուսման կազմակերպման պատվիրատու և պատասխանատու, որպես դպրոցի գործընկեր, համախոհ:
Գործունեության կազմակերպման աշխատակարգ
Դասարանում գործունեությունն սկսվում է 9.00, ավարտվում 17.00:
Ծրագիրն իրականացվում է 2014թ. սեպտեմբերի 1-ից 2015թ. հունիսի 15-ը:
Դասարանը մասնակցում է դպրոցի ընդհանուր պարապմունքին:
Սովորողների հաճախումների հաշվառումը և ուսումնական պարապմունքների գրանցումը կատարվում է տարրական դասարանի համար նախատեսված մատյանում, ըստ ծրագրի:
Ամառային գործունեությունն իրականացվումն է պարտեզային լողափին ըստ կարգի:
Դասարանի երեքանգամյա սնունդի կազմակերպում
Սաների թիվը դասարանում` 22-25:
Տարվա սկզբին լրացվում է «Սանի թերթիկը», որտեղ գրանցվում են սանի ֆիզիկական տվյալները, առողջական, ընտանեկան վիճակը:
Ընդունելության համար ներկայացվում են ծննդյան վկայականի պատճեն, 2 լուսանկար:
Ուսումնառության պայմանագիր կնքելուց առաջ Տնօրենը կամ նախապատրաստական դասարանի ղեկավարը ծնողին ծանոթացնում են Ծրագրին և կրթական միջավայրին:
Դասարանում քնող սաների համար ստեղծված են քնելու հարմարավետ պայմաններ:
Խրախուսվում է սաների բացօթյա գործունեությունը և դիտվում է որպես նրա կրթության իրավունքի իրագործում:
Ձմռանը դասարանն ապահովվում է համապատասխան ջերմային ռեժիմով:
Ծնողի դիմումով Ծրագիրը մատուցում է լրացուցիչ ծառայություններ. այդ նպատակով Տնօրենի և Ծնողի միջև կնքվում է լրացուցիչ պայմանագիր:
Նախակրթարանային միջավայրի պահանջները ներկայացված են Նախադպրոցական կրթության ծրագրի «Միջավայր» բաժնում:
Դասարանի սանը
2014թ. սեպտեմբերին ուսումնառության պայմանագրով որոշված կարգով ընդունվում է 2009 թ. ծնված սանը, ում ծնողը ընտրել է ծրագիրը և ծրագրի ղեկավարի հետ կնքել համապատասխան պայմանագիր և ցանկացած բանկում կատարել համապատասխան մուծումը:
Դասվարի, ծնողի դիմումով և հիմնավորմամբ հաջորդ՝ 2015-2016 ուստարում սանը կարող է ուսումը շարունակել 6 տարեկանների (եռամյա կրտսեր դպրոցի) առաջին դասարանում:
Հետագայում դասարան կարող է ընդունվել այն երեխան (եթե դասարանում սաների թիվը չի գերազանցում 25-ը), որն ըստ Ծրագրի պահանջների՝ ունի համապատասխան հմտություններ և կարողություններ (Սանի զարգացման դիտարկման թերթիկ):
Դասարանի ղեկավարը (դասվար)
Դասարանի ղեկավարը՝ դասվարն է, ով ընտրվում է մրցութային կարգով:
Դասվարի աշխատանքը կանոնակարգվում է կրթահամալիրում գործող ներքին կարգապահական կանոններով:
Դասվարին ներկայացվող պահանջներ
- օտար լեզուների և համակարգչային ծրագրերի իմացություն
- համացանցից օգտվելու կարողություններ
- հետազոտական աշխատանքներ կատարելու հմտություններ
- երաժշտական և մարմնակրթական (ներառյալ լողը և հիգիենան) ունակություններ.
- անգիր գիտի Ծրագրով նախատեսված ուսումնական նյութը.
- նույն պայմանով ընտրվում են նաև մասնագետ-ուսուցիչները, (երգ-երաժշտության, օտար լեզուներ, մարմնակրթության), որոնք ընդհանուր ծրագրով դասվարի հետ աշխատում են խմբում:
Դասվարը՝
- պատասխանատու է դպրոցում գտնվելու ընթացքում սանի անվատանգության, միջավայրը մշտապես հիգիենիկ վիճակում պահելու համար.
- պատասխանատու է սովորողի ինքնուրույն գործունեության, ինքնասպասարկման, տեխնոլոգիական հմտությունների և ստեղծականության զարգացման, սովորելու ցանկությունը շարունակ զորացնելու համար.
- մասնակցում վերապատրաստումների, մասնագիտական զարգացման սեմինար-պարապմունքների.
- մասնակցում է ընթացիկ ուստարվա ուսումնական փաթեթի ստեղծման աշխատանքներին.
- ապահովում է նախապատրաստական ուսուցման համար համապատասխան միջավայր.
- ունի համացանցին միացած անհատական համակարգիչ, թվային ֆոտոխցիկ և ձայնագրիչ, անարգել օգտվում է կրթահամալիրի մեդիագրադարանի, մեդիատպարանի հնարավորություններից.
- սաների գործունեության որոշ տեսակներ` երգ-պար, լողուսուցում, կազմակերպում է մասնագետ-ուսուցչի հետ համատեղ.
-
- սովորողի ծնողի հետ մշտապես պահպանում է գործընկերային հարաբերություններ, նպաստում նրա մանկավարժական կրթությանը, նրան մասնակից է դարձնում սաների գործունեության կազմակերպմանն ու իրականացմանը, սանի գործունեության արդյունքների մասին տրամադրում ամբողջական տեղեկություններ.
Երգում է, պարում, լողում, ճկուն է, կատարում է մարմնամարզական վարժություններ:
Ծնողը
Ծրագրի ղեկավարի հետ կնքում է ուսումնառության պայմանագիր.
- ծնողը ծանոթ է ուսումնական միջավայրին, դասարանում իրականացվող ծրագրին և գործունեության նախագծերին.
- ունի էլեկտրոնային հասցե և մշտապես օգտվում է դրանից.
- զարգացնող միջավայրի ստեղծման մասնակիցն է` ՏՀՏ և ուսումնական այլ միջոցներ, կենդանիների ձեռքբերում, ծառատունկ.
- դասարանի գործունեության կազմակերպիչն ու մասնակիցն է. դասվարը ծնողին է ներկայացնում աշխատանքային նախագծերը (ուսոմնական ճամփորդություններ, ստուգատես-փառատոներ, ներկայացումներ, ցուցադրություններ, ծեսեր), քննարկում, ապահովում է ծնողի մասնակցությունը այդ նախագծերի իրականացմանը.
- մասնակցում է դասարանին վերաբերող հարցերի քննարկումներին և դրանց լուծումների իրականացմանը.
- տեղեկացվում է իր երեխայի զարգացման ընթացքի, ծագած խնդիրների մասին, կազմակերպվում է անհրաժեշտ խորհրդատվություն.
- Դասվարին տեղյակ է պահում սանի ֆիզիկական, ֆիզիոլոգիական, առողջական, հոգեբանական խնդիրների մասին (եթե այդպիսիք կան).
- դասվարին տեղեկացնում է սանի բացակայության, բացակայության պատճառների մասին:
Ուսուցման բովանդակությունը
Դասարանը մասնակցում է Դպրոցի ընդհանուր պարապմունքին:
Դպրոցի ընդհանուր պարապմունքից հետո խմբի սաները շարունակում են
առավոտյան ծեսը, որը ներառում է
օրվա հիգիենայի պատասխանատուի կամ պատասխանատու խմբի (հերթապահ) ընտրություն. որը պատասխանատու է ծաղիկները ջրելու, սեղանները սպասքադնելու, միջավայրի մաքրության, տեխնիկայի հիգիենայի, խնայողության համար.
էլեկտրոնային մատյանում ներկայության գրացում սաների կողմից, էլեկտրոնային գրատախտակին դրված է մատյան-թերթիկ, որը հարմար է սխաներին՝ ներկան ինքնուրույն նշելու համար
միջավայրի խնամք,
մարզական կամ այլ կազմակերպված խաղ,
բանավոր պատումներ,բառախաղ
աշխատանք նախորդ օրվա տնային առաջադրանքով, տանից նվեր բառեր, արտահայտություններ, լուսանկարներ, որոնց մասին պատմում են, փոքր հարցումներ և այլ
մրգային նախաճաշ, որի կազմակերպողը հերթապահներն ու խոհարարը:
Մարմնամարզությունը, ազգային, բակային շարժուն խաղերը, լողը, հեծանվավարությունը, մարմնի հիգիենան, պարը մարմնակրթության բաղկացուցիչն են:
Խոսքի զարգացումն իրականացվում է հաշվերգերի,խաղիկների, շուտասելուկների, հեքիաթների, խաղ-ներկայացումների, սաների զրույցների, պատմությունների,մեդիանյութեր (հեքիաթների և այլ պատումներ, կարաոկե, մեդիանյութեր ստեղծելու, թատրոնի և այլ գործնական կիրառությունների միջոցով:
Գրագիտությունը, գրավոր խոսքի ձևավորումը իրականացվում է կիրառական գործառույթնրով, կապվելով սաների ընդհանուր գործունեության հետ, համակարգչի գործնական-կիրառումով, դառնում են դրանց արդյունքներից:
Թվաբանական հմտությունների ձևավորումն իրականացվում է որպես առօրյա խնդիրների ձևակերպում և լուծում (խոհանոցային, բնագիտական, տեխնոլոգիական, ծիսական, ուսումնական ճամփորդության և այլ), հաշվելով, դիտելով, համադրելով, համեմատելով, եզրակացնելով:
Մեդիատեխնոլոգիական հմտությունների զարգացումն իրականացվում է գործնական, կիրառական աշխատանքով. ամփոփումը՝ տարեվերջյան «Ես կարողանում եմ» մեդիանախագծով:
Բնագիտական գործունեությունը ներառում է բույսերի և կենդանիների, շրջակա միջավայրի խնամքը, դիտարկումները և զննումները` մանրադիտակով, խոշորացույցով, աստղադիտարանում, աստղադիտակով, բնագիտական փորձերը, ճամփորդությունները, հիգիենան: Սանը խմբում խնամում է իր աճեցրած թաղարը:
Կերպարվեստ-տեխնոլոգիական գործունեությունը ներառում է ջրանկար, ծեփ, խոհանոցային գործունեություն, տիկնիկագործություն, նկարչություն համակարգչային ծրագրերով:
Երաժշտությունը ներառում է երգ, երաժշտական խաղեր,պար, երաժշտության ունկնդրում, ռիթմիկ խաղեր, շրխկանների, երաժշտական այլ պարզ գործիքների գործածում, որոնց կիրառումը, ուսուցումը իրականացվում է ծեսերի, ստուգատեսերի իրականացման ընթացքում:
Խմբի գործունեության ծրագիրը, իրականացման ընթացքը և արդյունքները, հրապարակվում են սահմանված կարգով. ամեն ամիս համերգ-ծեսի միջոցով ամփոփվում է խմբի մեկամսյա գործունեությունը՝ Սեպտեմբերիկներ, Հոկտեմբերիկներ…Մայիսիկներ:
Սաների տնային գործունեությունը դասարանային գործունեության հետ ամբողջություն է կազմում, որով ապահովվում է 5 տարեկանի զարգացման անընդհատությունն ու միջավայրի ամբողջականությունը:
Շարունակություն
Կարծիք գրել