13/02/2015
Դեկտեմբեր ամսվա աշխատանքային նախագիծ
«Իմացումի հրճվանք» ծրագրի 5-6 տարեկանների նախապատրաստական խումբ
Դեկտեմբեր
Խոսքային գործունեություն
Պատումների շարք
Ես՝ իմ հոր մասին, հայրս՝ իր հոր մասին: Ծնողների և դասվարի հետ այդ թեմայով 2 մեդիապատում են պատրաստում:
Օրերի նկարագրություն Ամեն օր նկարում են օրվա տրամադրությունը, ամեն օր պատմում են օրվա եղանակի, օրվա տրամադրության մասին:
- Ես կարողանում եմ
Պատմում են իրենց ձեռք բերած հմտությունների մասին և ցուցադրում դրանք: - Ամանորյա գովազդ
Մեդիայում բանավոր գովազդում են իրենց ամանորյա դասարանը, հարազատներին՝ տանը և հյուր գնալիս, որպես տնային առաջադրանք, պատմում են, թե դասարանում ինչպես են պատրաստվում ամանորին:
Մեդիանամակ Ձմեռ պապին՝ Ինչ լավ գործեր եմ արել այս տարի. պատմում են իրենց կատարած լավ գործերի, արարքների մասին՝ ամեն մանրուք կարևորելով:
Ամանորյա բանավոր բացիկներ. Բոլոր երեխաները բանավոր շնորհավորում են իրենց հարազատների, ընկերների, ուսուցիչների ամանորը, նկարահանված բանավոր բացիկները ուղարկում են հասցեատերերեին:
- Ուրեմն.. նախագծի շարունակություն. Ձմեռային պատմություններ
- Ուրախ ընթերցարան-այբբենարանների էջի ստեղծում. Ամանոր, նոր տարի էջեր
Մաթեմատիկական հասկացությունների ձևավորում
- 6, 7 թվերը, 6,7 թվանշանները, 6,7 թվերի կազմություն, 6, 7-ի ստացում 1-ական ավելացնելով
- Վեցանկյուն. Տարբեր նյութերով վեցանկյուն են պատրաստում
- Նույն քանակության առնչություն . երկու հավաքածուների նույն թվով լինելը համապատասխանության միջոցով
- Թվերի հավասարությունը և անհավասարությունը. ավելի գաղափարը
- Շաբաթվա օրերը
- Պարզագույն խնդիրների լուծում. Սովորում են խնդիրը նկարել:
Մնացածը` ըստ ամանորյա տոնացույցի:
Կարծիք գրել