Խաղադարան բաժին

Ռոդարին էր ասում՝ երեխան ջարդած կոճակով էլ կխաղա…Արղության Նելին էլ թելն առել ընկել է սաների մեջ.
թելը… մեկ ճամփա, մեկ՝ շրջան, մեկ ձի ու չգիտես ինչ… ինչ ուզես…
Երևակայությո՞ւնն է պակաս, թե՞ հավեսը… ոչ մեկը…  բոլորը միասին, միատեղ, միասնական հորինելով… տեսնես թելով էլ ի՞նչ են մտածել…
Նելի Արղության և սաներ   Նոր դպրոցի նախակրթարան

Երեկ թելն էր խաղալիք-գործիք, այսօր՝ շիշը, սովորական դատարկ շիշը: Երբ ազատ ես, քեզ չեն ստիպում, գործը գնում է ինքնակազմակերպումի:
Քոլեջիկներ Լիլիթ Մեղրյան, Օլյա Կիրակոսյան և սաներ

Շարունակվող նախագիծ նախակրթարաններում՝ մարզում ենք միտքը, խոսքը, լեզուն…
Լոգոպեդ, հատուկ մանկավարժ Սուսաննա Դավթյանն այս անգամ Հիմնական դպրոցի նախակրթարանում է…

Բլբլոց… Ուրիշ ինչ անուն դնես… լավ էլ բլբլում են:
Մանկան լեզուն խաղիկներով է բացվում:

Երկու-երեք ամիս առաջ էս բլբլանները կամ ձայն չէին հանում, կամ ասածներից բան չէիր հասկանա:

Մանկական ստեղծագործական գործընթաց…

Խաղն ինքն իրեն է ծնվում, զարգանում, ամբողջանում, երբ չեն պարտադրում, թելադրում, երբ դաստիարակը կողքից նայողն է ու այնքան ազատ, որ չի խանգարում:
Գոհար Զարգարյան և սաներ

Մարզում ենք մեր խելքը… չէ՜… ուղեղը…
Խաղացեք երեխաների հետ, խաղացեք տանը, այգում… ամենուր, որտեղ կարող եք…
Սուսան Դավթյանի խաղը Հիմնական դպրոցի նախակրթարանում
Դաստիարակներ՝ Գոհար Սմբատյան, Լիլիթ Հովհաննիսյան

Տատիկնե՜ր, ո՞րն է ձեր բան ու գործը:
…եթե գիտեք, խաղացեք ձեր թոռների հետ, եթե չգիտեք, կարդացեք այս գիրն ու խաղացեք:

Մանկական խաղ-խաղիկներ 0-4 տարեկանների համար

Խնոցիկներ (խնոցու խաղեր)
Երեխաները կանգնում են իրար դիմաց, ձեռնաթաթերը բաց հպում են իրար, խնոցու նման տանում-բերում են ու արտասանում.

– Խնոցին  հա  հարեմ:
Շալակեմ`սար  հանեմ:
– Խնոցին  հա hարեմ,
Շալակեմ` գետն անցնեմ:
– Խնոցին հա  հարեմ:
Շալակեմ` դաշտ  տանեմ:
– Խնոցին հա  հարեմ,
Կաթ ու մածուն կերցնեմ:...

Ներկայացնում է Անի Թադևոսյանը

 Խաղում ենք Շղթա
Ներկայացնում է Տիգրան Արզումանյանը

Հիմնական դպրոցից

Տաթև Մելքոնյան և սաներ