Ամանորյա տոնական օրացույց. նախակրթարաններ

ԱՄԱՆՈՐ

Տոնական օրեր, տոնական եռուզեռ             Նախակրթարանում ամանորյա ծեսն սկսվում է դեկտեմբերի 1-ից:   Դաստիարակը ծեսի ծրագիրը ուղարկում է ծնողներին:

Սկսում են ժապավեններ, ուլունքներ, կոճակներ, բազմագույն փայլուն թղթեր, այլ մանր-  մունր առարկաներ հավաքել,  տոնական երգեր, օրհնանքներ, ասերգեր սովորել – բեմադրել, տոնականորեն զարդարել խմբասենյակը, տոնական հագուստներ պատրաստել:

Ծեսին նախորդող յուրաքանչյուր օր խումբն ունենում է իր հստակ անելիքը. օրերն ունենում են իրենց անունները, որքան տարբեր, անսովոր, անսպասելի, ուրախ ու տոնական, այնքան լավ:

Ամանօրյա ուսումնական օրացույց

Ամեն օր իր անունն ունի և այդ օրվա գործունեությունը կապված է օրվա անվան հետ:

Խմբում հավաքում են մետաղյա շշանման տարաներ, ընդեղեն՝ լոբի, ոլոռ, սիսեռ, ավազ, մանր ուլունքներ, մանր կոճակներ, հին գլխարկներ, ձեռնոցներ, հողաթափեր, էլեկտրական լամպեր…

Ենթակայքում Ձմեռ պապի էջ են բացում և բանավոր նամակներ են տեղադրում այդ էջում, նկարներ, բառեր, երգեր և էլի անակնկալներ են նվիրում Ձմեռ պապին:

Սկսում են բակում մեկ  կամ մի քանի ծառ   զարդարել  իրենց պատրաստած միաոճ խաղալիքներով.   տոնածառը  միայն եղևնին չէ, ցանկացած ծառ   տոնի ծառ է:

Խումբը ևս զարդարում են նույն ոճի խաղալիքներով, կերպարներով: Խմբասենյակը   սկսում են զարդարել դեկտեմբերի 1-ից:

Դեկտեմբերի 3    Շրխկան օր

• Պատրաստում են տոնական շրխկաններ

Դեկտեմբերի  4, 5,6՝ Պապյե-մաշե

• Երեխաները,  դաստիարակը և ծնողները տարբեր չափի պապյե – մաշեներ են պատրաստում:

Ինչպես պատրաստել պապյե – մաշե:

Անհրաժեշտ նյութեր` հին լրագրեր, տաշտ ուալյուր կամ էմուլսիա, տարբեր չափի փուչիկներ:         Փուչիկները փչել: Մի քիչ լայն տաշտի մեջ ալյուրը ջրով բացել, սոսինձ պատրաստել (կարելի է  էմուլսիայով աշխատել): Լրագրերը 3- 4 սմ լայնությամբ շերտերով ժապավենի նման  կտրատել: Ստացված շերտերը թաթախել խմոր – սոսինձի  կամ էմուլսիայի մեջ, դրանք շերտ – շերտ հավաքել փուչիկի վրա այնպես, որ փուչիկը 3- 4 շերտ լրագրով ծածկվի` հնարավորին չափ հարթ մակերես ստանալով: Փուչիկը կախել, 3-4 օր թողնել, որ սոսինձը վրայից քամվի, թուղթը չորանա: Այնուհետև փուչիկը տրաքացնել կամ բերանը բացել, թղթի միջից հանել: Ստացված պապյե- մաշեն բազմագույն կամ միագույն ներկել. դրանից կարելի է խաղալիքներ, դիմակներ կամ այլ առարկաներ  պատրաստել:

Շատ մեծ պապյե մաշեներ էլ են պատրաստում ուրախ դիմակների համար:

Դեկտեմբերի  7  Ուրախ խաղալիք

• Պապյե-մաշեներով տարբեր խաղալիքներ են պատրաստում:
• Ամենազվարճալի ամանորյա երգը. հորինում են խմբով կամ դասարանով, ծնողների հետ, ընտանիքով

Դեկտեմբերի 10՝  Ամանորյա դիմակներ

• Մեծ պապյե-մաշեներով մեծ դիմակներ են պատրաստում:

 Դեկտեմբերի 11  Ուրախ խաղալիք

Ուրախ խաղալիքներ են պատրաստում   փչացած  էլեկտրական լամպերով  և այլ թափոններով

Ուրախ պարի բեմադրում

 Դեկտեմբերի 12 Դիմակ

Սաներն իրար և դասավանդողներին են լուսանկարում ծիծաղելի, զվարճալի, ծամածռված դեմքերով, մեդիա և ֆոտոցուցադրություն անում:

 Դեկտեմբերի 13  Ացիկ- ացիկ, մի մեծ բացիկ

Պատրաստում են աշխարհի ամենամեծ բացիկը:

Այն պիտի երեխաների հասակից բարձր լինի` 1- 1,5 մետր բարձրությամբ,  կարող է Ձմեռ պապի, տոնածառի կամ ավելի հետաքրքիր այլ կերպարի տեսք ունենալ: Որպեսզի բացիկը հարթ չլինի, կարելի է տարբեր նյութերով (փուչիկներ, ժապավեններ, ուլունքներ, կոճակներ) զարդարել: Բացիկը կախում են խմբում. դրա վրա ծնողները իրար և իրենց երեխաներին ամանորյա բարեմաղթանքներ են գրում:

Դեկտեմբերի 14 Տոնական քաղաք

Ոումնական ճամփորդություն քաղաքում. Շրջում ե, նկարում, ձայնագրում, մեդիանյութեր պատրաստում:

Դեկտեմբերի 17   Վիդեոբացիկներ և այլ բացիկներ՝ բոլորին

 Դեկտեմբերի 18   Ամենաուրախ խաղալիքը հին կոշիկով

•   խաղալիք, տիկնիկներ, կերպարներ են պատրաստում հին կոշիկով, հին հողաթափով, ձեռնոցով կամ գուլպայով

Դեկտեմբերի 19 -20 Ուրախ վարագույր

Դեկտեմբերի 19 -20 Թաթիկ –  բացիկ

Երեխաները երկտակ ծալված թղթի վրա իրենց ձեռքերն են նկարում: Թուղթը կտրում են այնպես, որ ծալված մասը չկտրվի, ստացված զույգ թաթիկները չբաժանվեն, այլ ծալվեն- բացվեն, և դրանցով ամանորյա բացիկներ են  պատրաստում:  Դաստիարակը դրանց վրա գրի է առնում երեխաների` իրենց հարազատներին ուղղված մաղթանքները:      Երեխաները կարող են մի քանի այդպիսի բացիկ պատրաստել, որոնք  կդառնան նամակներ և կուղարկվեն Ձմեռ պապին:

Դեկտեմբերի 21 Նվեր –  փլավ

Այ քեզ համով (կամ՝ թթու, կծու, դառը) տոնածառ.  համով տոնածառի պատրաստում

Երեխաները, դաստիարակըները և ծնողները միասին պատրաստվում են փլավ եփելու արարողությանը: Մաքրում են  գազարը,  ձևավոր  կտրատում` փլավը  ձևավորելու համար:  Ափսեների  հատակին  նուշ կամ ընկույզ են դնում, վրան  փլավ լցնում: Ըստ ափսեից դուրս եկած նուշի կամ ընկույզի` երեխան համապատասխան նվեր է ստանում: Սա համարվում է ամանորյա նվիրատվության ձևերից մեկը:

Ընթացքում իրականացվող նախագծեր

•  Բաց ծրար՝ բոլորին նախագիծ՝

Սաների արտահայտած բարի մտքերի մեդիածրար՝ դա կարող է և՛ բանավոր լինել,  և՛ համակարգչային տարբեր ծրագրերով: Պարտադիր չէ և պետք էլ չէ, որ այդ մտքերը ամանորի հետ կապված լինեն: Ասենք՝ Լուսինն ինչան բարի է:

Կարևորն այն է, որ միտքերը հաճելի լինեն կարդացողներին:

• Սաները մեդիաբացիկներ են ուղարկում բոլոր դասավանդողներին:
• Բակում մեկ  կամ մի քանի ծառ են զարդարում. տոնածառը  միայն եղևնին չէ, ցանկացած ծառ   տոնի ծառ է:

Այ քեզ համով տոնածառ. խմբասենյակների այս տարվա գլխավոր տոնածառերը համով են լինելու՝ համով, քաղցր, կծու, թթու, դառը.:

• Պահքի շտեմարան.՝  պահքի կերակուրների բաղադրատոմսերի մեդիաժողովածու ստեղծում են բոլոր խմբերը:
• Ուրախ պարի բեմադրում. ամեն օր
• Ամանօրյա զվարճալի երգի հորինում. ամեն օր
• Ամանորյա երգերի ուսուցում-բեմադրում:
• Անհատական մեդիաշնորհավորանքներ տատիկին, պապիկին: