Դդմագովիկի ծես. նախակրթարանի սաներ և նրանց բարեկամներ

Փետրվարի 8-ին, ժամը 11-ին բոլորին հրավիրում ենք Դդմագովքի:  Եկեք անակնկալներով:

 Կրթահամալիրի նախակրթաններում իրականացվող «Դդմագովիկ»  ծեսի

 ծրագիր

Ծեսի մասնակիցներ՝

նախակրթարանի սաներ

նախապատրաստական դասարանի սովորողներ

Ծնողներ

Դասվար-դաստիարակներ

Կրտսեր դպրոցի սովորողներից

Քոլեջի ուսանողներ

Առարկայական դասավանդողներ

Փետրվարի 4-9  կրթահամալիրում կազմակերպվող  «Հանրակրթական Դիջիթեք 2013»   միջազգային  5-րդ ստուգատեսում  նախակրթարանների ծրագիրն իր տաղավարն է ունենալու:

Ծեսի իրականացման նախագծեր

Տեխնոլոգիա

• Դդմապատկերասրահ.   Paint  և այլ նկարչական ծրագերով արված  նկարների մեդիացուցահանդես. կերպավորված դդմանկարներ, սաները ներկայացնում են իրենց նկարած կերպարները
• Դդմաֆոտոտաղավար – դդումների, դդմակերպարների, դդմադեմքերի ֆոտոների մեդիա և թղթային ցուցադրություն. Ֆոտոները հիմնականում սաների նկարածներն են:
• Իրական և մեդիա  դդմադիմակներ. պատրաստում են տարբեր դիմակներ՝ դդմադիմակներ, էշի, աքլորի, աղվեսի:
• Դդումային խոհանոց՝ դդումով պատրաստվող կերակուրների բաղադրատոմսեր, պատրաստում:
• Դդմացանիկ՝   դդմի կորիզներ են ցանում, որ աճած թաղարը գարնանը այգում տնկեն:
• Դդմարձան՝ կավով, խմորով արձաններ են պատրաստում և ցուցադրում:

Բանավոր աշխատանք

• Դդմագովք, որի մտքերը հավաքվում է, երգ դառնում, ձայնագրվում:
• Դդմի ծաղր- ծիծաղում են դդմի վրա, ծաղրում նրան, նկարահանվում են 1,5-2 րոպե տևողությամբ վիդեոնյութեր:
• Պատումներ հայրիկիս մասին՝ սանը պատմում է իր հոր մասին, սանի հայրը պատմում է ի՛ր հոր մասին, սանի պապը պատմում է ի՛ր հոր մասին:
• Դդմային հեքիաթներ և վիդեոգրքեր:
• Դդումն օտար լեզուներով. Դդմին վերաբերող անգլերեն և ռուսերեն ստեղծագործություններ:
  

Խաղեր, որ պիտի խաղան

դդմագլոր, դդմային այլ խաղեր

Մամի-մամի, խաղողը հասել է

Ափ ու պտղունց

Իրար դիմաց նստելով` խաղացողները մրցում են հետևյալ ձևով: Խաղացողը բաց է անում ձախ ափը և աջ ձեռքի մատները պտղունց անելով`  հենում է ձախ ափամիջին: Հետո բացում է աջ ափը և ձախն է պտղունց անում ու հպում աջ ափամիջին անսխալ կարգով: Գործողությունը կատարվում է ակնթարթային արագությամբ մերթ մեկ, մերթ մյուս խաղացողի կողմից:

Մուկն ու կատուն

Խաղում են 20-25 հոգով: Երեխաներից մեկը ընտրվում է մուկ, մյուսը` կատու: Երեխաները ձեռք-ձեռքի բռնած շրջան են կազմում, մուկը վազում է շրջանի շուրջը` կատվից փախչելով: Երեխաները օգնում են մկնիկին, որպեսզի մտնի շրջանի մեջ, որ կատուն չկարողանա բռնել նրան:  Երբ բռնում է, ուրիշ զույգէ դառնում մուկ ու կատու:

• · Խաղիկներ, որ պիտի սովորեն . դաստիարակն է ընտրում 2-3 խաղիկ

 Ամենօրյա աշխատանք՝

• «Աղվես»
• էշ-պարոն կատակերգի    բեմադրում
• ծնողական դդմային աշխատանքներ խմբերում, տատիկները խմբերում  և տանը ճվիկներ և այլ խաղեր են խաղում և բեմադրում, բարբառային պատմություններ պատմում
• Չիպոլինոյի դդմապարը
• Դան-դան
• Տիտոխիկ

Դպրոցի տնօրենը կարող է ծրագիրն ընդարձակել:

Ամեն դպրոց ներկայացված նյութերով կազմում է Դդմագովիկի իր ծրագիրը
Դդմագովիկի ծեսը կատարվում է դպրոցներում փետրվարի 8-ին, ժամը 11.00-11.30:

Աիդա Պետրոսյան և Դդմագովիկ-գլուխգովիկներ