08/05/2016
Լիլիթը և Օլյան իրենց քոլեջիկների հետ նախագիծ են իրականացնում՝ «Աղմուկից երաժշտություն»: Նախագիծն սկսել են մայիսյան հավաքի օրերին և շարունակում են:
Նախագծի նպատակն է սաների երաժշտական ունակությունների զարգացումը՝ քայլ առ քայլ… լսել, լսածը վերարտադրել՝ ոչ թե պարզունակ ձևով, այլ շրխկան-ռիթմով, ընկալել՝ ինչպես է ծնվում երաժշտությունը… Ավարտը կլինի «Քոլեջիկ» շրխկան համույթը: Չենք շտապում, չենք ուզում արհեստական ոչինչ անել, ամեն ինչ ինքնիրեն առաջ է գնում, սաների գործունեությամբ, ցանկությամբ, զարգացմամբ:
Լիլիթ Խանոյան
Քոլեջիկներին միայն ճանապարհային ոստիկանն է պակաս: Թեև այսպիսի քոլեջիկներին, այսպիսի ծնողներին ի՛նչ ոստիկան: Իսկական հեծանվային մարզամրցույթ-երթևեկություն: Ամեն ինչ շատ լուրջ է՝ համարանիշո՜վ, բանո՜վ…
Գեղարվեստի նախակրթարան
Գնդակախաղ-պարանացատկ-ավազախաղ
Գեղարվեստի նախակրթարանի սաներն արդեն վարպետ հեծանվավար են:
Սակալա-պակալա. Ռոդարի`ամեն օր
Սա հիմնական դպրոցի նախակրթարանի Ալեքսն է: Նա դեռ ռոդարիերեն է խոսում, այդ լեզուն կոչվում է… հիշո՞ւմ եք… սակալա-պակալա: